السلام عليكم ورحمة الله وبركاته
وصباح الخير على أحلى وأنشط جروب
فيه ناس كتير باعتت أسئلة بخصوص المحاضرات فانا هارد عليهم هنا واعذرونى بجد لأنى مش هاقدر أرد على كل رسالة لوحدها
أول نقطة بالنسبة للناس اللى حضرو معانا دفعات قبل كده
بإذن الله تشرقونا علشان تساعدو زمايلكم الجدد زى ما لقيتم ناس من معاً موجودة من دفعات قبل كده علشان تساعدكم
غيرانك محتاج تحضر دفعة معاً على الأقل مرتين
وكمان انت مش جاى تحضر بس المحاضرات لكن الاهم انك تتعرف على الناس اللى موجودة علشان تفيد وتستفيد
وبالنسبة الناس اللى نفسهم يحضرو و عندهم ظروف خارج ارادتهم سواء شغل او تدريب يحاولو يحضرو ا على قدر مقدرتهم والوقت المتاح ليهم ويتابعو مع زمايلهم المحاضرات اللى فاتتهم
السؤال الأول:
هل فيه شروط علشان أحضر المحاضرات؟
الاجابة: أيوة
الشرط الاول انك تكون جاى علشان عايز تتعلم بجد يعنى الجدية
الشرط الاهم والاساسى انك اللى هاتتعلمه تعلم بيه 10 من زمايلك
مش مشكلة امتى دى امانة بينك وبين ربنا بس لما تقابل حد فى يوم من الايام وفى ايدك انك تساعدة ماتتردش لأنك هتلاقى ناس كتير فى معا هايساعدوك من غير حتى ما تطلب منهم
(ملحوظة مش أى حد يقولك انه معاً تأمن له كن حذرا فطناً)
كمان فيه ملحوظة مهمة لازم تحضر وتركز وتتعلم كويس وتستفيد من اللى حواليك على أد ماتقدر علشان يوم ماتيجى وتساعد غيرك تكون معاك الادوات اللى هاتقدر تساعده بيها
وتساعده بكفاءة وفعّالية
السؤال التانى
بالنسبة لاشتراك الساقية فيه كذا نقطة
أولا اشتراك الساقية مالوش علاقة بمحاضرات معا
محاضرات معاً مجانية تماما لكن ده علشان تعرف تدخل الساقية لأن عدد اللى بيحضرو المحاضرات كتر والقاعة اللى هاتكفى العدد ده لازم ليها الاشتراك
غير ان الاشتراك 30 جنيه فى السنة
يعنى بريزة فى اليوم وفيه 66 يوم كمان مجانا اذا كانت السنة كبيسة
وكمان الساقية فيها مميزات كتيرة جدا فى مختلف المجالات
ممكن تدخلو تزورو الموقع بتاعها وتعرفو بنفسكم
طيب هو انا ينفع اعمل الاشتراك فى نفس اليوم؟
ينفع بس حاول تيجى ساعة على الأقل بدرى وتكون معاك صورة شخصية
لكن اللى يقدر ينزل يوم قبليها ويعمل الاشتراك يبقى افضل لأن من المتوقع ان يوم الاتنين هايبقى زحمة
السؤال التالت:
آجى الساقية ازاى ؟
ده عنوان الساقية
26th of July street, just below 15 of May bridge, Zamalek
شارع 26 يوليو اسفل كوبرى 15 مايو الزمالك
اللى جاى من المترو ينزل محطة جمال عبد الناصر ويركب من الاسعاف اى حاجة بتقول مطار أو كتكات وينزل عند نزلة ابو الفدا هايكون فوق الكوبرى يسأل عن نزلة الساقية هايلاقيها الناحية التانية من نازلة ابو الفدا
وممكن تركبو من موقف عبد المنعم رياض اى حاجة رايحة الزمالك
أو من ميدان رمسيس
ملحوظات مهمة
فى ولد باعتلى بيقولى انا من بنها والمشوار بعيد
عايزة أقوله ان فيه بنات كتير بتيجى من بنها ومن اسكندرية ومن اماكن أبعد من كده بكتير مش هاين عليك تتعب شوية علشان مصلحتك
فيه بنات بتقولى مش لاقيه حد من اصحابى يشجعنى وانا مابعرفش اروح مكان لوحدى
عايزة اقولها أمال امتى هاتعرفى تروحى مكان لوحدك؟؟؟؟؟
تعالى وهتلاقى ناس كتيرة من معا هايشجعوكى ان شاء الله
وبعدين انتى اللى هاتجيبى اصحابك وتشجعيهم بعد كده
مش عايزين نطلع حجج ياجماعة كفاية تضيع وقت
واحمدو ربنا انه وفقكم انكم تعرفو حاجة زى كده غيركم ممكن يكون محتاجها ومايعرفش
واحمدوه كمان انكم تقدرو تيجو مش ساكنين فى اسيوط ولا حلايب وشلاتين
سؤال بيتكرر كتير
انا عايز آخد الكورس بتاع معاً هو الكورس ده عباره عن إيه؟؟
أولا معاً مش كورس دى عبارة عن مجموعة محاضرات متنوعة ومختلفة فى مجالات كتيرة كلها متعلقة بإحتياجات سوق العمل ومتطلباته
معاً بتدلك على الأماكن المحترمة اللى تاخد فيها المنح والكورسات وتبساعدك انك تأهل نفسك للمنح دى
وده محتوى المحاضرات
بسم الله الرحمن الرحيم
ان شاء الله
معا في ساقيه الصاوي كل أثنين
من 4.30 الى 8 مساءً
شارع 26 يوليو عند سنترال الزمالك
كل أثنين من
4.30 -8
فى قاعه النهر
(دخول قاعه النهر تحتاج أشتراك فى الساقيه 30 جنيه فى السنه
و صوره شخصيه وملأ أستماره أشتراك )
www.culturewheel. com
بدايه الدفعه التاسعة
في ساقيه الصاوي
خريف 2009
الأثنين
12-10-2009
---برنامج معا يتكون من 10 محاضرات و ورش عمل كلها مجانيه
عايز تعرف طرق جديدة للحصول علي وظيفة ليك او لصحبك
نفسك تعرف كل المنح المجانية و المدعمة
نفسك تتعلم طرق جديدة تسهل البحث علي النت
عايز تعرف ازي تعمل سيرة ذاتيك ليك ولاصحابك
نفسك تعرف ما يجب وما لا يجب عمله في المقابلات الشخصية
عايز تعرف تحل اسئلة الذكاء والتي تعتبر شرط للقبول في العديد من المنح
نفسك تعرف اماكن الدورات الهامة من اول الاماكن المجانية الي الاماكن المتميزة
عايز تتعرف علي الشهادات الاكثر طلبا في سوق العمل في مجالات العمل المختلفة
نفسك تقرب اكتر من سوق العمل وتتعلم ازي تتعامل مع الاخرين
عايز تتعلم مبادئ دراسات الجدوي
عايز تتطور ذاتك للافضل دايما
"اليك الحل الامثل"
فريق معاً
هو فريق عمل مكون من عدة افراد واعين جدا بسوق العمل و متغيراته
يقوم بعقد دورات مجانية للشباب (الطلبة والخريجين)
ليرفع مستوي وعيهم بسوق العمل و متطلباته
عن المحاضرات
الهدف الأساسي من المحاضرات تعريف الطلبة وشباب الخريجين في شتى التخصصات بأهم (المعلومات، والخبرات والمهارات) التي يجب أن يتعرفوا عليها ليبصبحوا مؤهلين لسوق العمل من خلال برنامج عملي مكون من مجموعة من المحاضرات وورش العمل عن: -
(IQ,PST,GMAT) الإختبارات المؤهلة للحصول على تدريب أو منحة أو وظيفة مثل
البحث المتقدم في الإنترنت
المبادئ الأساسية في (إدارة المشروعات , إدارة الشركات , دراسة الجدوى .... إلخ)
وغيرها
لمزيد من التفاصيل عن بعض المحاضرات ,
الإختبارات المؤهلة للحصول على تدريب أو منحة أو وظيفة
1- كتابة السيرة الذاتية: - تتعرف من خلالها على:
o النقاط الأساسية في كتابة السيرة الذاتية بشكل عملي كل جزء على حدة, كما يتم كتابة السيرة الذاتية أثناء المحاضرة ومراجعة السيرة الذاتية بعد المحاضرة بواسطة أعضاء الفريق من الدفعات السابقة.
o ويتم أيضاً مراجعة السيرة الذاتية باقي أيام الأسبوع بالبريد الإلكتوني عن طريق جروب معاً (Maaan2007).
o كما تتم أيضاً مراجعة السيرة الذاتية في معاً داي.
o كما يوجدأيضاً بعض الملفات الخاصة بكيفية كتابة السيرة الذاتية على الجروب,
لمزيد من المعلومات برجاء الدخول على الموقع التالي الخاص بالجروب
http://groups. yahoo.com/ group/maaan2007/ files/Job% 20hunting/ CV%20Writing/
2- مهارات المقابلة الشخصية: - نتعرف من خلالها على:
o النقاط اللأساسية التي يجب مراعاتها وتجهيزها قبل المقابلة الشخصية.
o الأسئلة الشائعة في المقابلة الشخصية وكيفية الإجابة عليها.
o ويتم أيضاً تدريب الشباب بشكل عملي عن طريق إجراء مقابلة شخصية لبعض أعضاء الفريق أثناء المحاضرة.
o كما يتم أيضاً إرسال الأسئلة الشائعة في المقابلات الشخصية بوجة عام على الجروب باقي أيام الأسبوع, بجانب تبادل الأسئلة الشائعة والإمتحانات المطلوبة في بعض الشركات الكبرى في الرسائل اليومية الخاصة بالجروب.
o كما يوجدأيضاً بعض الملفات الخاصة بالأسئلة الشائعة في المقابلات الشخصية على الجروب.
لمزيد من المعلومات برجاء الدخول على الموقع التالي الخاص بالجروب
http://groups. yahoo.com/ group/maaan2007/ files/Job% 20hunting/ interview% 20skills/
3- إقتناص وظيفة أو تدريب: - نتعرف من خلالها على:
o الخبرات والإمتحانات المطلوبة للحصول على تدريب أو وظيفة.
o أهم وأشهر مواقع التوظيف والتدريب في مصر والشرق الأوسط وعلى مستوى العالم.
o متطلبات سوق العمل وأهم معارض التوظيف ومواعيدها.
o كما يتم أيضاً إرسال مالا يقل عن 50 رسالة يومياً على الجروب في مجال التدريب والتوظيف والمنح المجانية, يتم ترتيبها وتنظيمها يومياً وإرسال الأماكن الموثوق بها قدر الإمكان بناءً على آراء وتجربة أعضاء الفريق من الدفعات السابقة لتلك الأماكن.
o وأيضاً يتم تبادل المواقع وفرص التوظيف والتدريب المتاحة في بعض الشركات الكبرى في الرسائل اليومية الخاصة بالجروب.
o هذا بالإضافة إلى تواجد أعضاء الفريق من الدفعات السابقة وموسس الفريق مع أعضاء الفريق داخل معارض التوظيف لإرشادهم وتعريفهم بأهم النقاط الأساسية التي يجب مراعتها لتحقيق أكبر إستفادة ممكنة من المعرض بناءً على خبراتهم والمواقف التي تعرضوا لها أثناء حضورهم للمعارض السابقة.
o كما يوجد أيضاً بعض الملفات الخاصة ببيانات وعناوين كبرى الشركات في جميع التخصصات على الجروب.
لمزيد من المعلومات برجاء الدخول على الموقع التالي الخاص بالجروب
http://groups. yahoo.com/ group/maaan2007/ files/Scholarshi p%20%26%20recrui tment
4- الإختبارات المؤهلة للحصول على تدريب أو منحة أو وظيفة (IQ,PST,GMAT)
نتعرف من خلالها على:
o النقاط اللأساسية التي يجب مراعاتها أثناء التفكير في حل هذة الإختبارات.
o شرح طريقة التفكير العملية لحل هذة الإختبارات خطوة بخطوة.
o التدريب على حل هذة الإختبارات أثناء المحاضرة بشكل عملي عن طريق التفكير معاً في حل مجموعة من الإختبارات بعد شرحها ومناقشة بعض طرق التفكير الخاطئة.
o كيفية إدارة وقت الإختبار بشكل صحيح بهدف حل أكبر قدر ممكن من هذة الأسئلة بطريقة صحيحة في أقل وقت ممكن.
o أهم وأشهر المواقع الموجودة على شبكة الإنترنت وتقدم نماذج مجانية للتدريب على هذة الإختبارات.
o كما يتم أيضاً التدريب على بعض الأسئلة الخاصة بإمتحان الأذكياء (Mensa) أثناء المحاضرة بشكل عملي عن طريق التفكير معاً في حل مجموعة من الإختبارات بعد شرحها ومناقشة بعض طرق التفكير الخاطئة.
o كما يتم أيضاً إرسال العديد من الرسائل والملفات والمواقع الخاصة بهذة الإختبارات وطريقة حلها وأسماء الشركات التي يتطلب التدريب والتوظيف فيها إجتياز تلك الإختبارات يومياً على الجروب
o كما يوجد أيضاً بعض الملفات والمواقع الخاصة بتلك الشركات على الجروب.
لمزيد من المعلومات برجاء الدخول على المواقع التالية الخاصة بالجروب
http://groups. yahoo.com/ group/maaan2007/ files/Job% 20hunting/ tests/
http://groups. yahoo.com/ group/maaan2007/ links/E_Tests_ __Exams_web_ sites___00123821 3150/
وبالنسبة للبنات وحتى الاولاد خلو بالكم كويس وانتم رايحين اى شركة مش معروفة سواء تدريب او توظيف اسألو فى المكان الاول عن الشركة
علشان موضوع سرقة الاعضاء والحاجات دى
بعيدا عن كده من النصايح بتاعة الانترفيوو انك تكون عندك معلومات عن الشركة قبليها بفترة مش تروحو كده وخلاص وياحبذا تكون روحت المكان وسالت عليها فى يوم قبل الانترفيو
يارب أكون قدرت أجاوب على معظم الأسئلة المتعلقة بالمحاضرات
وربنا يوفقكم جميعاً والدفعة التاسعة دى تبقى فاتحة خير علينا كلنا بإذن الله
فى شهر يونيو اللى فات قبل بداية الدفعة التامنة كنت باعتة نفس الرسالة دى للجروب
وفى نفس المكان ده كنت ببارك للجروب والباشمهندس أسامة اننا وصلنا وقتها ل 5000 عضو فى الجروب
دلوقتى احنا الحمدلله وصلنا ل7000 عضو
ان شاء الله بداية الدفعة العاشرة ابعت نفس الرسالة وفى نفس المكان ده هبارك أننا وصلنا للضعف وبقينا 15000 عضو فى الجروب وبكرة أفكركم ان شاء الله
ويارب دايما للأمام
نلقاكم فى الساقية كى نسقى معاً علماً وفكراً كى نزرع الأمل ونحصد العمل (ان شاء الله)ء
لا اله الا انت سبحانك انى كنت من الظالمين
|
|
ليست هناك تعليقات:
إرسال تعليق